Қазақстан Республикасы Ұлттық экономика министрінің бұйрығымен 2023 жылдың 1 сәуірінен бастап «Дипломмен-ауылға!» бағдарламасының Сенімгерлік агенті ретінде «Отбасы банкі» Акционерлік қоғамы тағайындалды, сәйкесінше барлық борышкерлерге айсайынғы төлемдер бойынша қарызды болдырмау мақсатында аталған банкте ағымдағы жылдың сәуір айының соңына дейін ағымдағы шот ашу қажет.

Қазақстандықтар үшін ағымдағы шоттар мен қатар депозиттер де ашылады. Бұл опция —процестің ажырамас бөлігі болып табылады. Қазақстандықтар одан қорықпауы және оған назар аударуы керек, өйткені Отбасы Банкі - жинақ банкі. Депозит — бұл оның негізгі өнімі, онсыз клиенттерге басқа қызмет түрлерін ұсыну мүмкін емес. Депозитті ашу еш нәрсеге міндеттемейді және егер адам депозитті пайдаланғысы және онда қаражат жинағысы келмесе, онда ол да оған міндет болмайды.

Сіз үйден шықпай-ақ ағымдағы шот пен депозит аша аласыз. Смартфонға Otbasy Bank қосымшасын орнатып, оған кіріп, «Банктің клиенті болу» қойындысын таңдау жеткілікті. Бағдарлама сізді тексереді (сіздің биометриялық деректеріңізді тексереді), содан кейін сіз барлық қажетті процестерді аяқтай аласыз.

Банктің клиенті болудың және тексеру шотын ашудың тағы бір тәсілі — ұялы телефоннан «300» нөміріне тегін қоңырау шалу.

Үшінші тәсілі — жақын жердегі банк бөлімшесіне немесе кеңес беру орталығына хабарласу.

Жақын арада Отбасы банк арқылы «Дипломмен — ауылға!» бағдарламасына қатысу үшін жаңа өтініштер беруге болады. Банк басталу күнін қосымша хабарлайды. 

«Дипломмен-ауылға!» мемлекеттік бағдарламасына қатысу шарттары 

Кез келген жастағы қазақстандықтар өтініш бере алады. Еңбастысы — денсаулық сақтау, білім беру, әлеуметтік қамсыздандыру, мәдениет, спорт, ауыл шаруашылығы салаларындағы сұранысқа ие мамандар, оның ішінде ауылдық округтер әкімдері аппараттарының мемлекеттік қызметшілері болуы тиіс. Белгілі бір елді мекенде қажетті қызметкерлердің Тізбесін жергілікті әкімдіктердің өздері қалыптастырады және оны өздерінің ресми сайттарында орналастырады. Содан кейін осы Тізбеге сәйкес өтінімдер қабылданады. 

Қалай өтініш беруге болады? 

Өтінімнен бастап берілген кредит бойынша төлемдер кестесіне қол қоюға дейінгі барлық процесс онлайн режимінде өтеді! Otbasybank.kz порталғ акіріп, «Дипломмен-ауылға!» бағдарламасына қатысуға өтінім беру» батырмасын басу керек. Әрі қарай қатысушы өтінімге ЭЦҚ көмегімен қол қояды. Содан кейін жүйенің өзі мемлекеттік деректер базасынан қажетті құжаттарды тартады. Бұл Отбасы Банкінің мемлекеттік дерекқорлар мен интеграциялануы және Вlockchain технологиясын қолдану арқасында мүмкін болды.

«Дипломмен — ауылға!» жобаның әлеуетті қатысушылары қосымша eGov Mobile мобильді қосымшасын жүктеп, оған тіркелу қажет болады. Бұл болашақта адамдар мемлекеттік базалардан сұралған деректерді растауы үшін қажет болады.

Өтінімді қарау және өңдеу де бұрынғыдай емес, қашықтан жүзеге асырылады. Бұл әкімдік пен банктің жұмысын оңтайландырады.

Өтінім бойынша оң жауап болған жағдайда, клиент үй сатып алу немесе салуға бюджеттік кредит және 100 АЕК көлеміндегі көтерме жәрдемақы түріндегі әлеуметтік қолдау шараларын ала алады. «Дипломмен – ауылға!» бағдарламасы бойынша қарыздың ең жоғары сомасы — 1500 АЕК дейін. Ол 15 жылға жылдық 0,01 пайызбен беріледі.